Die Valke is 'n verbeurdverklaringsbevel in 'n veediefstalsaak toegestaan
- Saamgestel deur Ilde Roos
- Nov 9
- 1 min read
Die Bloemfonteinse hooggeregshof het ‘n verbeurdverklaringsbevel aan die Valke en die Nasionale Vervolgingsgesag se Batebeslagleggingseenheid toegestaan vir ‘n voertuig ter waarde van R250 000.
Die voertuig word verbind met ‘n veediefstalvoorval wat in 2022 in Steynsrus plaasgevind het.
Die Isuzu-bakkie, wat aan Petrus Bolofo behoort, is onderskep terwyl gesteelde skape van Pandam-plaas in Steynsrus vervoer is.
Bolofo kon nie bewys van aankope of eienaarskap van die vee lewer nie en is in hegtenis geneem.
Die skape is later positief deur die wettige eienaar geïdentifiseer.
Comments