Die vermeende aanvallers van ‘n Vrystaatse boer verskyn in die hof
- Saamgestel deur Nadia Pieters
- 3 hours ago
- 1 min read
Ses verdagtes het in die Warden-landdroshof in die Vrystaat verskyn na ‘n huisroof op ‘n plaas naby Warden.
‘n 74-jarige boer is verlede week na bewering deur ‘n groep onbekende mans genader terwyl hy op ‘n grondpad op sy plaas gery het nadat hy ‘n trekker met diesel gevul het.
Die ses verdagtes het hom aangerand en sy vuurwapen en Toyota Hilux-bakkie gesteel.
Hulle staan tereg op aanklagte van huisroof, poging tot moord en diefstal van ‘n motorvoertuig.
‘n Polisiewoordvoerder, sersant Mahlomola Kareli, sê hul saak is tot volgende week vir ‘n formele borgtogaansoek uitgestel.
Comments