Die Vrystaat verwelkom Paasbabas
- Saamgestel deur Nadia Pieters
- Apr 4
- 1 min read
Die Vrystaatse Departement van Gesondheid het die geboorte van die, tot dusver, 35 Paasbabas regoor die provinsie verwelkom.
Volgens die departement se woordvoerder, Mondli Mvambi, is 20 seuns en 15 dogtertjies gebore, met die meeste geboortes wat sonder komplikasies plaasgevind het.
Alle moeders en babas is stabiel, en geen gevalle van voortydige geboortes is aangemeld nie.
Die LUR vir Gesondheid, Monyatso Mahlatsi, sê dit dui op goeie voorgeboortesorg en sterk kraamdienste in die provinsie.
Hy het ook ’n afname in tienerswangerskappe verwelkom en dit toegeskryf aan volgehoue bewusmakingsveldtogte en gemeenskapsbetrokkenheid.
Ouers word intussen aangemoedig om borsvoeding te prioritiseer en seker te maak dat babas betyds vir immunisasies en opvolgondersoeke gaan.
Comments