Die Vrystaatse anti-bende-eenheid slaan toe in Bfn

Die Vrystaatse anti-bende-eenheid het in twee afsonderlike operasies in Bloemfontein ’n onwettige vuurwapen en dwelms met ’n geskatte straatwaarde van sowat R65 000 gekonfiskeer.

Volgens polisiewoordvoerder, sersant Mahlomola Kareli, het beamptes vroeër die week tydens ’n operasie in Navalsig ’n man in hegtenis geneem nadat ’n vuurwapen met ’n afgevylde reeksnommer in ’n voertuig gevind is.

Die man het glo probeer vlug toe polisie die voertuig wou deursoek.

In ’n tweede operasie het die anti-bende-eenheid ’n huis in Kopanong deursoek waar Mandrax-tablette, kristal-metamfetamien en kontant vermoedelik uit dwelmhandel gevind is.

Luidens ‘n mediaverklaring is twee verdagtes is in verband met dwelmhandel in hegtenis geneem.

FOTO: Verskaf