Die waarnemende polisieminister veroordeel die moord van twee beamptes

Waarnemende minister van polisie, Firoz Cachalia, sê 'n aanval op polisie is 'n aanval op die staat. SABC News berig volgens hom sal die polisie nie rus totdat Jabulani Moyo in hegtenis geneem word vir die beweerde moord op twee polisiebeamptes nie. Die twee beamptes was besig om Moyo, 'n verhoorafwagtende gevangene, van die Roodepoort-landdroshof na die tronk te vervoer toe hulle in die Roodepoort-middestad in 'n lokval gelei is. Hul dienspistole is gesteel en Moyo is gesien hoe hy in die beampte se ongemerkte voertuig wegry, wat later 'n paar kilometer van die misdaadtoneel verlate gevind is. 'n Multidissiplinêre span is ontplooi om Moyo op te spoor.