Die weerdiens waarsku teen swaar reën

Die Suid-Afrikaanse Weerdiens het die publiek - ook in die Vrystaat - aangespoor om versigtig te wees, aangesien swaar reën Vrydag oorstromings in verskeie provinsies kan veroorsaak.

‘n Oranje vlak vyf-waarskuwing is in plek vir erge donderstorms in dele van die Noord-Kaap, die Vrystaat en Noordwes. Dit kan lei tot die oorstroming van paaie, laagliggende gebiede en brûe.

Die weerdiens waarsku ook teen moontlike skade aan nedersettings, infrastruktuur, voertuie en vee.

Erge donderstorms, skadelike winde, oormatige weerlig en hael word ook in die uiterste suide van KwaZulu-Natal verwag.

Ter illustrasie. FOTO: Tanya van Rooyen