Diep hartseer oor prinses Buthelezi se afsterwe uitgespreek

Prinses Sibuyiselwe Angela Buthelezi is Maandagoggend in die ouderdom van 55 oorlede. Central News berig haar afsterwe kom net ’n jaar ná die heengaan van haar pa, die stigter van die Inkatha Vryheidsparty  en prominente figuur in die Suid-Afrikaanse politiek, Prins Mangosuthu Buthelezi. Haar broer het die nuus aangekondig en die familie se diepe hartseer uitgespreek. Die prinses, wat in Kaapstad was vir parlementêre pligte as lid van die Nasionale Vergadering en deel van die Portefeuljekomitee oor Menslike Nedersettings, is na haar opname in die hospitaal oorlede. Besonderhede oor die begrafnisreëlings sal gekommunikeer word.