Digte mis veroorsaak ontwrigting in Bloem

Verskeie vlugte van en na Bloemfontein is vertraag nadat digte mis swak sigbaarheid by die Bram Fischer Internasionale Lughawe veroorsaak het.

Netwerk24 berig opstygings moes Woensdag tydelik uitgestel word totdat toestande verbeter het.

Lughawepersoneel sê die vertragings was van korte duur en bedrywighede het later normaal voortgegaan.

Volgens hulle het die ontwrigting geen groot invloed op die res van die dag se vlugrooster gehad nie.

Teen laatoggend het die mis begin opklaar en sigbaarheid het geleidelik verbeter. Weervoorspellers sê dieselfde winterweer sal na verwagting vir die res van die week voortduur.

Intussen word ondersoek ingestel na 'n noodlottige vragmotorongeluk op die R700 buite Bloemfontein, waar swak sigbaarheid moontlik 'n rol gespeel het.

Ter illustrasie. FOTO: Verskaf