Dokter praktiseer nog, kort duskant 100 jaar oud

‘n Bekende oor-, neus- en keelspesialis van Pretoria, John Callaghan, het sy 99ste verjaardag in sy spreekkamer gevier.

Op net duskant ‘n eeu oud, en met meer as 70 jaar ervaring in sy veld, stroom pasiënte steeds na hierdie hoflike heer in sy wit jas.

Maroela Media berig sy kantoorpersoneel het besluit om geen afsprake op sy verjaardag te maak nie, maar telefone het heeldag gelui soos wat gelukwensinge ingestroom het.

Callaghan sê die geheim dat hy nog so bedrywig is duskant sy eerste eeu, is goeie genetika, en vermy alkohol, dwelms, verdowingsmiddels en onnodige medikasie.