Dolly Parton se '9 to 5' is nog nie verby nie
- Ilde Roos
- Oct 9
- 1 min read
Nadat haar jonger sussie gevra het dat mense vir haar moet bid, het die 79-jarige Amerikaanse country-sanger Dolly Parton 'n video op haar Instagram-profiel geplaas om aangangers gerus te stel.
Maroela Media berig Dolly se suster, Freida Parton, het op haar Facebook-blad aanhangers gevra om vir Dolly te bid. 'n Paar uur later het sy egter om verskoning gevra en gesê sy wou dit nie so ernstig laat klink nie.
Dolly het verlede week haar komende vertonings in Las Vegas uitgestel weens ongespesifiseerde “gesondheidsuitdagings”.
Dolly sou in Desember ses uitverkoopte vertonings by Caesars Palace aangebied het. Dié datums is egter verlede week gekanselleer omdat haar gesondheid haar verhinder het om “behoorlik voor te berei”.
Sy het aan haar miljoene aanhangers gesê sy bring nog nie haar glansryke loopbaan tot ’n einde nie, en dat nuwe datums vir volgende jaar September vasgestel is.
Comments