Dreigemente teen verkeersbeamptes sal nie geduld word nie

Dreigemente en intimidasie teen verkeersbeamptes in Bloemfontein sal nie geduld word nie.

Dit volg nadat 'n verkeersbeampte na onlangse wetstoepassingsoptredes die teiken van dreigemente en opruiende opmerkings op sosiale media geword het.

Die Mangaung Metro Munisipaliteit sê in ‘n mediaverklaring mense het die reg om hul menings en bekommernisse uit te spreek, maar dreigemente, teistering en aanhitsing tot geweld teen munisipale amptenare is onaanvaarbaar.

Die metro voeg by verkeersbeamptes is verantwoordelik vir die toepassing van verkeerswette en munisipale verordeninge in belang van openbare veiligheid.

Ter illustrasie. FOTO: Ed Up Stairs