Bloem-skole is deur na die ATKV-Applous-finaal
- Saamgestel deur Nadia Pieters
- Jun 3
- 1 min read
Drie Bloemfonteinse meisieskole gaan aan die einde van Julie aan die nasionale finaal van die ATKV-Applous-koorkompetisie in Kaapstad deelneem.
Volgens plasings op die skole se sosiale media het Eunice Hoërskool, C&N Sekondêre Meisieskool Oranje en St. Michael se Skool vir Meisies almal deurgedring na vanjaar se finaal.
Eunice en Oranje sal in die Prestige Meisies-afdeling vir meisieskole meeding, terwyl St Michael's in die Meriete Meisies-afdeling sal deelneem.
Die finaal word van 29 Julie tot 1 Augustus in die Kaapstadse Stadsaal aangebied.
ATKV-Applous is die oudste skoolkoorkompetisie in Suid-Afrika en vanjaar het 314 kore, wat meer as 22 000 leerders verteenwoordig, ingeskryf.
Beoordelaars sê die standaard van Suid-Afrikaanse skoolkore verbeter jaarliks en dat die beste kore op enige wêreldverhoog kan meeding.
Comments