Drie is vas met plofstof in die Vrystaat

Drie verdagtes sal na verwagting in die Welkom-landdroshof in die Vrystaat verskyn op aanklagte van die onwettige besit van plofstof.

Die polisie sê die verdagtes is naby ’n vulstasie in Virginia in hegtenis geneem nadat Misdaadintelligensie inligting ontvang het dat plofstof na bewering vervoer is om verkoop te word vir gebruik in ’n transito-bomaanval.

Lede van die Welkom-teen-bende-eenheid het die groep voorgekeer en na bewering skokbuise, ontploffingspatrone en ontstekers in ’n sak gevind. Die polisie het ook ’n selfoon in beslag geneem terwyl die bomeenheid die toneel verwerk het.

Plofstof, argief. FOTO: Verskaf