Drie mense is dood na hantavirus-gevalle op ‘n passasierskip

Drie mense is dood weens 'n uitbreking van 'n ernstige respiratoriese siekte op 'n Nederlandse passasierskip in die Atlantiese Oseaan.

SABC-nuus berig die MV Hondius, wat aan die maatskappy Oceanwide Expeditions behoort, het sowat drie weke gelede uit Argentinië vertrek met 150 passasiers, en het onder meer in Antarktika gestop onderweg na Kaap Verde aan die weskus van Afrika.

Die Wêreldgesondheidsorganisasie sê een van drie mense wat siek is, 'n Britse burger, word in 'n intensiewe sorg-eenheid in Johannesburg behandel.

Volgens die WGO het laboratoriumtoetse minstens een geval van 'n hantavirus bevestig, terwyl daar nog minstens vyf moontlike gevalle is. Hantavirusse word hoofsaaklik deur knaagdiere versprei en kan ernstige of noodlottige respiratoriese siekte tot gevolg hê.

 Hantavirusse word hoofsaaklik deur knaagdiere versprei en kan ernstige of noodlottige respiratoriese siekte tot gevolg hê. GRAFIKA: Medbullets