Druk neem toe om SIM-kaartbeheer te verskerp
- Saamgestel deur Nadia Pieters
- Mar 27
- 1 min read
Swakpunte in SIM-kaartregistrasie is in die kollig, met kommer dat onbehoorlik geregistreerde SIM-kaarte in ernstige misdade gebruik word.
Die minister van Justisie, Mmamoloko Kubayi, het Donderdag ’n dringende vergadering byeengeroep om die kwessie aan te spreek.
Dit val onder die Wet op die Regulering van die Onderskepping van Kommunikasie en die Verskaffing van Kommunikasieverwante Inligting (Rica).
Kubayi se woordvoerder, Terrence Manase, sê belanghebbendes – insluitend telekommunikasiemaatskappye en wetstoepassing – stem saam dat nakoming verskerp en verifikasiestelsels verbeter moet word.
Volgens Manase beplan die regering om wetgewing te hersien en afdwinging te versterk, met strawwe van tot R5 miljoen of 10 jaar tronkstraf.
Comments