Duisende is in hegtenis geneem tydens polisie-operasies

Die polisie het die afgelope week meer as 15 000 verdagtes in hegtenis geneem tydens sy landwye operasies wat ernstige en geweldsmisdaad teiken.

Die arrestasies sluit honderde in wat verband hou met dwelmhandel en -besit, moord, poging tot moord en geslagsgebaseerde geweld.

Twee vermeende dwelmsmokkelaars is ook by OR Tambo Internasionale Lughawe in hegtenis geneem, waar kokaïen en metkatinoon gekonfiskeer is.

Honderde onwettige vuurwapens, gevaarlike wapens en nagemaakte goedere is ook gekonfiskeer. ‘n Polisiewoordvoerder, luitenant-kolonel Vincent Mukhathi, sê die operasies vorm deel van voortdurende pogings om kriminele netwerke te ontmantel en veiligheid regoor die land te verbeter.

‘n Polisiewoordvoerder sê die operasies vorm deel van voortdurende pogings om kriminele netwerke te ontmantel en veiligheid regoor die land te verbeter. FOTO: Unsplash