Duisende rand se onwettige sigarette in Bfn gekonfiskeer

Polisie in Bloemfontein het bokse onwettige sigarette ter waarde van R800 000 van 'n vragmotor af gekonfiskeer.

Die bokse was agter die bestuurs- en passassiersitplekke onder kombese versteek.

Volgens 'n polisieverklaring sê sersant Mahlomola Kareli is die bestuurder van die vragmotor onmiddellik by die vragmotorstaanplek op die N8 tussen Bloemfontein en Lesotho in hegtenis geneem.

Die vragmotor en die onwettige sigarette is gekonfiskeer, en die bestuurder sal binnekort in die Bloemfonteinse landdroshof verskyn.