‘Ebola respekteer nie landsgrense nie’

Saamgestel deur Nadia Pieters
May 18
1 min read

President Cyril Ramaphosa waarsku dat die Ebola-uitbrekings in Uganda en die Demokratiese Republiek van die Kongo ’n groot bedreiging vir die streek inhou.

Volgens IOL het Ramaphosa, in sy rol as Afrika-unie-kampvegter vir pandemievoorbereiding en -reaksie, ’n beroep op Afrikalande gedoen om grensbeheer, toesig en samewerking dringend te versterk om verdere verspreiding van die siekte te voorkom.

Hy sê Ebola respekteer nie landsgrense nie en dat hoë vlakke van beweging tussen lande die risiko van verspreiding verhoog.

Die president het die regerings van Uganda en die Demokratiese Republiek van die Kongo geloof vir hul vinnige optrede nadat die uitbrekings bevestig is.

Hy doen ook ’n beroep op internasionale vennote om finansiële en mediese ondersteuning aan geaffekteerde lande te verskaf.