Ekspo's vir jong Bloemfonteinse wetenskaplikes skop af

Die Eskom Expo vir Jong Wetenskaplikes skop binnekort ’n reeks distriks-ekspo's regoor die Vrystaat af -  insluitend in Bloemfontein, Bethlehem en Welkom.

Volgens ’n mediaverklaring is die doel om deelname te verhoog en die gehalte van leerders se navorsingsprojekte te verbeter.

Die ekspo's dien as die eerste verpligte fase waar leerders hul projekte aanbied en terugvoer ontvang van opgeleide beoordelaars in wetenskap- en tegnologievelde.

Topprojekte word hier gekies om deur te dring na streekswetenskapskoue wat vanaf Julie landswyd aangebied word.

Eskom Expo se uitvoerende direkteur, Parthy Chetty, sê deelname gee leerders die geleentheid om hul kreatiwiteit en probleemoplossingsvaardighede te wys, en dra by tot ’n toekoms wat deur innovasie gevorm word.

Van die ekspo-lokale in Bloemfontein sluit in Brandwag Primêre Skool, Curro Bloemfontein en Eunice Primêre Skool.

Ter illustrasie. FOTO: Eskom