Elke hond kry sy dag - al neem dit 13 jaar
- Saamgestel deur Ilde Roos
- Oct 1
- 1 min read
’n Ou, verwaarloosde straathond se storie het almal stomgeslaan toe daar vasgestel is dié hond is toe al die tyd ’n gesin van Oranjezicht in Kaapstad se vierpotige vriend wat 13 jaar gelede gesteel is.
Die miniatuur-Schnauzer is deur Tim Shaw by 'n besige kruising in die Kaapstadse middestad opgetel.
Shaw sê aan Netwerk24 die hond was kwaai en het hom probeer byt, maar na 'n ruk het hy geëet, en Shaw kon die hare voor sy oë wegsny.
'n Veearts het 'n mikroskyfie aan die hond gekry, en sy oorspronlike eienaars is wel opgespoor – en daar is bevestig sy naam is Karnallie.
Ná gesprekke is besluit dat Karnallie sy laaste jare saam met Shaw sal deurbring.
Comments