Elke hond kry sy dag... by pa én by ma

Howe in Brasilië sal nou gedeelde toesigreëlings vir die troeteldiere van paartjies wat skei, kan bepaal. Wetgewers in die Brasiliaanse Kongres het die wetsverandering beskou as ‘n weerspieëling van die belangrikheid wat mense aan hul troeteldiere heg.

Die wetgewing beteken dat as ‘n paartjie skei sonder om ‘n ooreenkoms rakende hul troeteldier te bereik, ‘n regter die gedeelde toesigreëling en die billike verdeling van die dier se onderhoudskoste tussen die partye sal bepaal.

Vir die wet om op paartjies wat skei van toepassing te wees, moet die dier die grootste deel van sy lewe saam met die paartjie deurgebring het.

Ter illustrasie. Foto: Pexels