Eskom beoog om oortollige elektrisiteit aan Bitcoin-mynmaatskappye te verkoop

Saamgestel deur Jana Roos
Mar 11
1 min read

Updated: Mar 12

Eskom se voorsitter sê die kragvoorsiener wil sy oortollige elektrisiteit aan Bitcoin-mynmaatskappye in Suid-Afrika verkoop.

Mteto Nyati het dit onlangs by ’n sakekonferensie onthul. Hy verduidelik dat Eskom oortollige kapasiteit gedurende die dag ervaar as gevolg van laer vraag weens verhoogde sonkrag-dakinstallasies.

Hy sê hulle oorweeg dit om hierdie oortollige elektrisiteit teen ’n laer prys aan Bitcoin-mynmaatskappye te verkoop. Nyati sê die nuwe tegnologie skep nou bykomende kragvraag.