Eskom moedig sonkraggebruikers aan om hul stelsels te registreer
- Saamgestel deur Nadia Pieters
- Jan 15
- 1 min read
Eskom doen ‘n beroep op huishoudings en besighede met sonkragstelsels om te registreer en aan die wet te voldoen.
Die nutsmaatskappy sê alle kleinskaalse ingebedde opwekkingstelsels onder 100 kVA moet by Eskom of plaaslike munisipaliteite geregistreer word.
Eskom gaan voort om registrasie- en verbindingsfooie van tot R10 000 vir huishoudelike stelsels onder 50 kVA tot die einde van Maart kwyt te skeld.
Die nutsmaatskappy sê registrasie verbeter veiligheid, beskerm tegnici en help om die elektrisiteitsnetwerk betroubaar te hou.
Comments