Eskom soek ‘n vennoot vir sy beplande energiebergingsprojek
Oct 13
1 min read
Eskom het ’n proses begin om ’n strategiese vennoot te vind vir sy beplande Tubatse-pompbergingskema in Limpopo.
Die projek van een-komma-vyf gigawatt, naby Roossenekal, is ontwerp om sowat 21 gigawatt-uur elektrisiteit te stoor.
Indien dit voltooi word, sal dit Suid-Afrika se grootste pompbergingskema wees. Die skema sal oortollige elektrisiteit stoor wanneer die vraag laag is en dit tydens spitsverbruikstye vrystel. Dit sal help om meer wind- en sonkrag by die nasionale kragnetwerk in te skakel.
Eskom sê belangrike mylpale in die ontwikkeling sluit in dat grond bekom is en omgewingsmagtiging verkry is.
Belangstellende organisasies moet hul kwalifikasievoorstelle teen 30 November indien.
Comments