Eskom stel nuwe ‘n hoof by hul verspreidingsafdeling aan

Saamgestel deur Nadia Pieters
May 29
1 min read

Eskom het Junaid Munshi met ingang van 1 Junie as groepbestuurder van sy verspreidingsafdeling aangestel.

Munshi bring meer as 30 jaar se ervaring in ingenieurswese, telekommunikasie en kommersiële bestuur na die pos. Hy het voorheen senior rolle by Maziv Group, Cell C en Vodacom beklee.

Volgens Eskom vorm die aanstelling deel van die kragvoorsiener se plan om sy kliëntefokus te versterk en beter in Suid-Afrika se veranderende elektrisiteitsmark mee te ding.

Eskom se woordvoerder, Daphne Mokwena, sê die maatskappy belê in sy verspreidingsafdeling om sy kliëntebasis te behou en verder uit te brei.