Eskom sê die kragnetwerk bly stabiel en veerkragtig

Eskom het aangekondig dat die kragstelsel stabiel bly en steeds veerkragtigheid toon om aan die winteraanvraag te voldoen. Alhoewel daar af en toe stelselbeperkings voorkom, word dit effektief bestuur, met genoegsame noodreserwes beskikbaar wat strategies ontplooi word tydens oggend- en aandspitstydperke. Newskoop berig Eskom het sedert 15 Mei vanjaar geen beurtkrag geïmplementeer nie en het slegs 26 uur se beurtkrag in die eerste kwartaal van sy finansiële jaar aangeteken. Terwyl beurtkrag opgeskort bly en die vraag na elektrisiteit gedurende die wintertydperk aanhou styg, doen Eskom ‘n beroep op die publiek om onwettige verbindings en energiediefstal te vermy.