Eskom wil ladingvermindering teen volgende jaar uitskakel

Saamgestel deur Ilde Roos
May 9
1 min read

Eskom sê meer as ‘n halfmiljoen kliënte regoor Suid-Afrika word nie meer deur ladingvermindering geraak nie, aangesien hulle werk om die maatreël teen 2027 uit te skakel.

Die kragverskaffer sê ladingvermindering is reeds ten volle uitgeskakel in die Noord- en Wes-Kaap.

Eskom sê onwettige verbindings en meterpeutery beskadig steeds infrastruktuur en bedreig netwerkstabiliteit in sommige gebiede.

Sy gefaseerde program teiken 971 voerders en beoog om ongeveer 1,6 miljoen kliënte te bevoordeel deur die uitrol van slimmeters, uitgebreide gratis basiese elektrisiteitsondersteuning en die integrasie van alternatiewe energie-oplossings.