Facebook en WhatsApp kan in die hof teen jou draai

Regskenners sê dat plasings op sosiale media, boodskappe en selfs fiksheidstoep-data toenemend as toelaatbare bewysstukke in Suid-Afrikaanse howe gebruik word.

Facebook-plasings, Instagram-stories en WhatsApp-stemnotas word nou as toelaatbare bewysstukke in persoonlike beseringsake beskou. Hierdie plasings en boodskappe kan gebruik word om geloofwaardigheid te ondermyn, mediese eise te weerspreek of bewerings van bedrog te bewys.

Regskenners waarsku dat enigiemand wat ‘n persoonlike beseringseis indien moet aanvaar dat hul digitale lewe onder die loep geneem word. Hulle sê dat die oordrywing of wanvoorstelling van die fisiese, emosionele of sielkundige impak van ‘n besering aanlyn hul saak ernstig kan benadeel.

Ter illustrasie. FOTO: Pexels