Feroz Khan is ontslaan
Die adjunkhoof van die polisie se misdaadintelligensie-afdeling, generaal-majoor Feroz Khan, is uit die polisiediens ontslaan.
Die nasionale polisiewoordvoerder, brigadier Athlenda Mathe, sê dit kom nadat hy nie voor die aangewese senior beampte verskyn het wat verantwoordelik is vir die versnelde dissiplinêre proses nie.
Netwerk24 berig dit is in ooreenstemming met die polisiediens se dissiplinêre regulasies, wat lui dat geen lid, ongeag rang of posisie, bo die wet of die toepaslike dissiplinêre raamwerk verhewe is nie.
Mathe sê die polisie bly verbind tot aanspreeklikheid, dissipline en professionele optrede binne die organisasie.
Khan word beskuldig van growwe wangedrag en gedrag wat die polisiediens se naam in oneer bring.
Die Madlanga-kommissie ondersoek intussen ook Khan se rol en het aangedring op ’n onafhanklike mediese evaluering van sy toestand nadat hy nie voor die kommissie verskyn het nie.
Comments