FIFA: Blatter steun VSA Wêreldbeker boikot

Voormalige FIFA-president, Sepp Blatter, het oproepe vir ondersteuners om vanjaar se Sokker-Wêreldbeker in die Verenigde State te boikot, gesteun.

Blatter het anti-korrupsie-prokureur, Mark Pieth, se kommentaar dat ondersteuners uit die VSA moet wegbly beaam.

Pieth het gewys op die moord op betoger Renee Good deur ‘n Amerikaanse immigrasie-agent in Minneapolis vroeër hierdie maand en die dood van ‘n tweede Amerikaanse burger, Alex Pretti, verlede naweek.

Pieth het gewaarsku dat ondersteuners huis toe gestuur kan word as hulle wette oortree of met owerhede bots, en voorgestel dat hulle beter daaraan toe sal wees om die sokker-wêreldbeker op televisie te kyk.

Sepp Blatter. FOTO: ESPN