Firoz Cachalia vra vir beter samewerking teen transnasionale georganiseerde misdaad

Die waarnemende minister van polisie, Firoz Cachalia, doen ‘n beroep op sterker samewerking om transnasionale georganiseerde misdaad te bekamp.

Cachalia het Woensdag tydens die 27ste konferensie van die Internasionale Kriminele Polisie-organisasie in die Wes-Kaap gepraat.

Hy sê elke organisasie moet verseker dat sy lede professioneel, bekwaam en gekwalifiseerd is om korrupsie uit te roei.

Hy sê professionaliteit, etiese verbintenisse en ‘n aksieplan is nodig om transnasionale georganiseerde misdaad te bestry, en om sekuriteit en ontwikkeling te verseker.