FlySafair verlaag die brandstofheffing op kaartjies
- Saamgestel deur Nadia Pieters
- 3 days ago
- 1 min read
Lugdiens FlySafair het sy brandstofheffing met 40% verlaag, wat goedkoper vliegtuigkaartjies vir reisigers kan beteken.
eNCA berig die heffing is vroeër vanjaar ingestel nadat konflik in die Midde-Ooste wêreldwye olievoorrade ontwrig en brandstofpryse laat styg het.
Die lugredery sê brandstofpryse het sedertdien begin daal en voorsieningstoestande het verbeter, wat dit moontlik maak om die besparing aan passasiers deur te gee.
FlySafair sê die heffing word weekliks hersien en aangepas volgens werklike brandstofkoste.
Die maatskappy waarsku egter dat brandstofpryse steeds deur internasionale marktoestande en geopolitieke spanning beïnvloed kan word.
Comments