Ford herroep sekere Ranger- en Everest-modelle

Ford herroep sekere Ranger-bakkies en Everest-modelle wat tussen 2018 en Februarie 2020 verkoop is en met die 10R80-ratkas toegerus is. Ford sê die rat van die ratkas se vloeistofpomp in die betrokke voertuie kan faal, wat die hidrouliese druk binne die ratkas verminder.

Dit kan veroorsaak dat die voertuig sy aandrywing verloor, wat die risiko van 'n ongeluk tydens bestuur verhoog.

eNCA berig die betrokke voertuie is in Suid-Afrika, Botswana, Lesotho en Eswatini verkoop. Eienaars word versoek om hul voertuie na die naaste gemagtigde Ford-handelaar te neem, waar die nodige sagteware-opdatering gratis uitgevoer sal word.

FOTO: Wikimedia Commons