Frankryk ontplooi duisende polisiebeamptes teen betogings

Frankryk sal Saterdag 70 000 polisiebeamptes ontplooi om ’n herhaling van verlede naweek se gewelddadige betogings te voorkom.

Betogers het winkels in verskeie dele van die land geplunder en beskadig.

Die regering het swaar gewapende mobiele spanne ontplooi om sy mag te wys en vrese te besweer dat hy beheer oor die situasie verloor het.

Jongmense in Frankryk betoog oor die stygende lewenskoste en die swak toestand van skole.

Ter illustrasie. FOTO: ECR