Geel vlak 2-waarskuwing vir dele van die Vrystaat
Dele van die Vrystaat is onder die gebiede waarvoor die Suid-Afrikaanse Weerdiens ’n geel vlak 2-waarskuwing vir hewige donderstorms en swaar neerslae uitgereik het.
Die waarskuwing geld tot Sondag en sluit ook dele van die Wes-Kaap, Noord-Kaap en Noordwes in.
Volgens die Weerdiens kan die storms gepaardgaan met sterk winde, gereelde weerlig en swaar reën, wat plaaslik tot ontwrigting kan lei.
In die Vrystaat kan die nat toestande onder meer probleme op paaie, swak sig en moontlike plaaslike oorstromings in laagliggende gebiede veroorsaak.
Inwoners word aangeraai om versigtig te wees, veral wanneer hulle in swaar reën bestuur, en om oorstroomde paaie en laagwaterbrûe te vermy.
Die Weerdiens waarsku dat toestande vinnig kan verander en dat gemeenskappe die jongste weerwaarskuwings deur die naweek moet dophou.
Comments