Geen ernstige ongerymdhede is op die eerste dag van die matriekeksamen aangemeld nie
Oct 14
1 min read
Die Departement van Basiese Onderwys sê die Nasionale Senior Sertifikaat-eksamen het goed afgeskop, met geen ernstige ongerymdhede wat op die eerste dag aangemeld is nie.
Matrikulante regoor die land het Dinsdag die praktiese vraestel een in Rekenaartoepassingstegnologie en verskeie taalvraestelle geskryf.
Minister Siviwe Gwarube moedig die matriekklas van 2026 aan om gedurende dié tydperk gefokus, gedissiplineerd en selfversekerd te bly.
Die departement se Terence Khala sê hulle bly verbind tot die handhawing van die integriteit en geloofwaardigheid van die eksamen, asook die gladde afhandeling daarvan.
Comments