Geslagsgeweld skuldigbevindings moet die norm wees

Saamgestel deur Nadia Pieters
May 27
1 min read

Die voorspraakgroep Women for Change sê skuldigbevindings in sake van geslagsgebaseerde geweld en vrouemoord moet die norm wees en nie uitsonderings nie.

Die jongste misdaadstatistieke toon dat 549 skuldigbevindings en vonnisse tussen Januarie en Maart aan oortreders van geslagsgeweld opgelê is.

Volgens die statistieke het 71 oortreders lewenslange tronkstraf ontvang, terwyl 255 mishandelaars tot tussen een en nege jaar gevangenisstraf gevonnis is.

Women for Change sê hoewel die vonnisse verwelkom word, verloor vroue steeds hul lewens en word slagoffers en families dikwels deur die regstelsel in die steek gelaat.