Gesprekke oor die Lourierpark-saak gaan voort
- Saamgestel deur Nadia Pieters
- Mar 6
- 1 min read
Die Lourierpark-saak is in die Vrystaatse Hooggeregshof in Bloemfontein tot 16 April uitgestel.
Die hof het ook beslis dat die bestaande hofbevel intussen van krag bly terwyl partye probeer om ’n werkbare oplossing vir die situasie in die gebied te vind.
Luidens ‘n mediaverklaring van die DA-Mangaung handel die saak oor beplande behuisingsontwikkeling op die grond, asook die vraag of noodsaaklike munisipale dienste soos water, sanitasie en elektrisiteit behoorlik voorsien sal word voordat mense daar vestig.
Volgens berigte kon partye nie in hierdie stadium op sekere voorwaardes vir die ontwikkeling ooreenkom nie, maar gesprekke sal voortgaan gedurende die uitstelperiode.
Die DA sê intussen hulle glo dat verantwoordelike behuisingsontwikkeling geleenthede en waardigheid moet skep terwyl dit gemeenskappe beskerm en bevoordeel.
Comments