Gesteelde goue skatte teruggevind
- Saamgestel deur Nadia Pieters
- 2 hours ago
- 1 min read
’n Goue helm van sowat 2 500 jaar oud en twee armbande is teruggevind meer as ’n jaar nadat dit uit ’n museum in Nederland gesteel is.
Volgens BBC News is die items aan Roemeense owerhede oorhandig.
Die helm het geringe skade opgedoen, maar die armbande is ongedeerd.
Die rooftog deur ’n gewapende bende het groot ontsteltenis in Roemenië veroorsaak en kommer laat ontstaan oor die veiligheid van kulturele skatte in die buiteland.
Die Nederlandse regering het intussen ’n versekeringseis van meer as 5.7 miljoen euro uitbetaal.
Aanklaers in beide lande ondersoek steeds die saak, met drie verdagtes wat na verwagting tereg sal staan.
Volgens Roemeense owerhede is die items van groot nasionale waarde.
Comments