GHOLF: Erik van Rooyen bespreek plek by die 125ste Amerikaanse Ope op Oakmont

Die Suid-Afrikaner Erik van Rooyen is deel van ’n groep spelers wat Maandag vir die derde major van die jaar naamlik die Amerikaanse Ope  gekwalfiseer het. Van Rooyen het kwalifiserings-rondtes van 64 en 67 gespeel en eerste geëindig op Kinsale in Columbus terwyl die nog vier Amerikaners Bud Cauley, Lanto Griffin, Justin Lower en Harrison Ott die top-vyf uitmaak. Diè 35-jarige het in sy laaste drie verskynings in die Amerikaanse Ope nie die afsnypunt gehaal nie. In 2020 was sy beste vertoning ‘n gesamentlike 23^ste plek maar sluit hom nou vanjaar aan by landgenote Thriston Lawrence en Christiaan Bezuidenhout waar diè drietal gaan poog om die Suid-Afrikaanse vlag trots op die Oakmont-baan in Pennsilvanië te laat wapper.