Godongwana moet rekenskap gee
- Saamgestel deur Nadia Pieters
- Jul 14
- 1 min read
Die parlement se Staande Komitee oor Finansies wil hê dat die minister van Finansies, Enoch Godongwana, rekenskap moet gee van sy drastiese besluit verlede week om fondse van 69 munisipaliteite, insluitend vier metro’s, terug te hou.
Die voorsitter, Joe Maswanganyi, sê hy sou verwag het dat Godongwana die saak eers met die parlement sou bespreek.
Maswanganyi glo dat die minister van Samewerkende Regering, Velenkosini Hlabisa, en die Suid-Afrikaanse Plaaslike Regeringsvereniging ook onkant betrap is deur die skuif.
Hy sê dat die parlement moet ondervra waarom Godongwana besluit het om hierdie roete te volg.
Die komitee het die speaker gevra om ‘n gesamentlike vergadering met die Begrotings- en Samewerkende Regering- en Tradisionele Sake-komitees hierdie week goed te keur om die besluit te ondersoek.
Comments