Grensposte is besonders besig

Saamgestel deur Nadia Pieters
Jan 5
1 min read

Weens vakansiegangers wat ná vakansie teruggekeer huis toe is Suid-Afrika se paaie en grensposte besonders besig.

Meer as 8 000 voertuie het Sondag uurliks deur die meeste tolhekke op die N3-hoofroete tussen KwaZulu-Natal en Gauteng beweeg, met sowat 3 000 voertuie per uur deur die Nyl-tolhek op die N1-suid vanaf Limpopo na Gauteng.

Daar was ook swaar verkeer op die N4 tussen Mpumalanga en Gauteng. Teen Sondag laatoggend was die tou motors by die Lembombo-grenspos wat van Mosambiek na Suid-Afrika terugkeer sowat 15 km lank.

Die Beitbrug-grenspos tussen Suid-Afrika en Zimbabwe was net so besig weens die gelyktydige aankoms van busse uit Malawi, Zimbabwe en Zambië.