‘n Man is by OR Tambo met heroïen ter waarde van meer as R2 miljoen vasgetrek
1 hour ago
1 min read
’n 52-jarige man is by die O.R. Tambo-lughawe vasgetrek nadat die polisie op heroïen ter waarde van meer as R2 miljoen afgekom het.
Die polisie en die Grensbestuursowerheid het die verdagte voorgekeer net nadat sy vlug vanaf Accra in Ghana geland het.
Toe beamptes sy bagasie deursoek, het hulle op koeëlagtige voorwerpe en blokke vol heroïen afgekom.
Polisiewoordvoerder Amanda van Wyk sê die man sal later vandeesweek in die Kempton Park-landdroshof verskyn op aanklagte van dwelmhandel.
Comments