Groenewald vra strenger leiding by korrektiewe sentrums

Saamgestel deur Nadia Pieters
2h
1 min read

Die minister van korrektiewe dienste, Pieter Groenewald, het ’n beroep gedoen op sterker leiding en aanspreeklikheid by korrektiewe sentrums landwyd.

Hy het Woendag tydens ’n virtuele vergadering met hoofde van sentrums gesê konsekwente bestuur en dissipline is noodsaaklik om standaarde in die departement te herstel.

In ‘n aanlyn plasing sê Groenewald swak en inkonsekwente leierskap bly ’n groot rede vir probleme soos sekuriteitsbreuke en swak toestande by sommige fasiliteite.

Hy het beklemtoon dat nakoming van prosedures nie onderhandelbaar is nie en noodsaaklik is vir veiligheid en effektiewe bestuur.

Die minister het ook die rol van sentrumhoofde as kern tot die funksionering van korrektiewe dienste uitgelig.

Volgens Groenewald moet daar veral gefokus word op beter rekordhouding, instandhouding en die bekamping van bende-aktiwiteite.