Gwarube is bekommerd oor vertraagde toelaes vir onderwysassistente

Die minister van Basiese Onderwys, Siviwe Gwarube, sê sy is bekommerd oor die vertragings in toelaebetalings aan onderwys- en algemene assistente.

Sommige assistente wat deur die Basiese Onderwys-indiensnemingsinisiatief in diens geneem is, het nog nie hul toelaes vir verlede maand ontvang nie.

Volgens Gwarube het ’n hoëvlakvergadering onlangs plaasgevind met sleutelbelanghebbendes wat verantwoordelik is vir die inisiatief se administrasie en betaling. Sy sê die vergadering het ten doel gehad om die rede agter die betalingsvertragings op te los.

Haar departement se woordvoerder, Terence Khala, sê die vergadering het ook gepoog om stelsels te versterk om toekomstige ontwrigtings in betalingsskedules te voorkom.

LUISTER HIER:

Siviwe Gwarube. FOTO: News24