Haweloosheid neem toe in Suid-Afrika

ʼn Onlangse verslag wat deur Statistieke SA uitgereik is toon dat haweloosheid sedert 1996 in die land drasties toegeneem het. Dit sluit kinders in wie se ouers oorlede is, vroue wat uit gewelddadige verhoudings gevlug het, werkloses en selfs studente wat nie behuising kan bekostig nie. Die verslag is vroeër hierdie week uitgereik en is saamgestel uit inligting wat met die sensusopname van 2022 versamel is. Die data toon dat sowat 0,09%  van die Suid-Afrikaanse bevolking op straat woon teenoor 0.03% in 1996. ʼn Groot getal sluit kinders onder 14 jaar en bejaardes bo 60 jaar in.