Heidedal-man vas oor onwettige wapen

’n Man is in Heidedal in Bloemfontein in hegtenis geneem vir die besit van ’n ongelisensieerde vuurwapen en ammunisie.

Dit kom nadat intelligensie-geleide inligting die Provinsiale Teenbende-eenheid na ‘n huis in Ashbury in Heidedal gelei het.

Beamptes het ‘n R5-geweer gevind wat in ‘n wasbak versteek was met 36 lewendige rondtes ammunisie en ses leë magasyne.

Polisiewoordvoerder, sersant Mahlomola Kareli, sê die man sal binnekort in die hof verskyn.

LUISTER: