Herwinning is belangrik

Die Mangaung Metro Munisipaliteit se Openbare Onderwys, Bewusmaking en Nakoming-afdeling begin die jaar op 'n groen herwinnings-noot. Vyf spanne met 10 lede elk, gelei deur 'n spanleier, het in gebiede rondom Hoffman-Square herwinnings-pamflette uitgedeel. Die pamflette verskaf inligting oor hoe inwoners hul deel kan doen om die weggooi van afval papier, skuimbekers en selfs plastiekpakkies beter te bestuur, Die bewusmaking-program, gelei deur beamptes Agnes Mphosi en Tshitso Mohatlane, mik volgens 'n plasing op sosiale media, daarop om te verseker dat inwoners in dig bevolkte areas ‘n verskil maak deur klein veranderinge oor wat hulle weggooi aan te bring. Daar word ook gehoop dat inwoners beter keuses oor herwinning sal maak.