Honderde brandstofpompe landswyd is leeg getap

Saamgestel deur Ilde Roos
Apr 3
1 min read

Meer as 600 dieselpompe en ongeveer 481 petrolpompe was Donderdag by vulstasies regoor Suid-Afrika sonder brandstof. Volgens die Brandstofbedryfvereniging van Suid-Afrika sukkel vragmotors om voorraad aan te vul weens die onlangse styging in vraag.

Gauteng is die hardste getref, met byna 45 % van die droë persele. Ten minste 306 persele in die provinsie het nie diesel gehad nie, terwyl 202 sonder petrol was.

Die vereniging sê die voorraad behoort vroeg volgende week aangevul te word, en voeg by dat nasionale snelweë voorkeur sal ontvang om reis te vergemaklik.