Honderde katte wat vir vleishandel bestem was is gered

Meer as 400 katte wat glo vir die vleishandel bestem was, is in Viëtnam gered nadat owerhede 'n beweerde katdiefstalnetwerk ontbloot het.

Volgens die BBC is nege mense in hegtenis geneem nadat polisie op verskeie persele toegeslaan het waar honderde lewende katte en dosyne dooie diere aangetref is.

Polisie beweer die groep het vir die afgelope drie jaar katte in suidelike Viëtnam gesteel en aan handelaars verkoop.

Hoewel die verbruik van kat- en hondevleis wettig in Viëtnam is, vereis die wet dat handelaars dokumentasie moet hê wat die oorsprong van die diere bevestig.

Sowat 40 van die geredde katte is reeds met hul eienaars herenig, terwyl ondersoeke voortduur.

FOTO: BBC